Beef

سره غوښه Beef

Beef

بیف(beef)  نه معنا د غوا یا د غويي غوښه ده. يا په بله معنا هغه ټولې غوښې چې له کټل(cattle)  چې علمي نوم يي بوس ټورس(Bos Taurus)  دی لاسته راځي د بیف په نوم یادیږي. دغه غوښه د سرې غوښې په کټګوري کې ده کومه چې د چرګانو یا کبانو په پرتله د اوسپنې زیاته اندازه لري. عمومآ د سرې غوښې څخه د کباب، کوفتې، شوروا په څېر ور استفاده کوي. د غويي تازه غوښه له مختلفو ویټامینونو او منرالونو له مخې شتمنه ده په خاصه توګه اوسپنه او جست، او له دې امله د روغتیايي رژیم په برخه کې سپارښتنه کیږي.

د غوښې غذايي ارزښت

د غويي غوښه اساسآ له پروټین څخه ترکیب او شحمو مختلفه اندازه په کې شامله ده.

په لاندې جدول کې د غوا یا د غويي غوښې غذايي عناصرو په اړه معلومات ورکړل شوی دی.

عمومي معلومات

	اندازه
کالوري	217
اوبه	61 %
پروټین	26.1 g
کاربوهایډریټ	0 g
قند	0 g
فایبر	0 g
شحم	11.8 g
مشبوع	4.63 g
مونوغیرمشبوع	4.94 g
پولي غیرمشبوع	0.42 g
اومیګا-3	0.05 g
اومیګا-6	0.33 g
ټرانس شحم	0.37 g

ویټامینونه

	اندازه	%ورځنۍ ارزښت
ویټامین A	3 µg	0%
ویټامین C	0 mg	~
ویټامین D	0 µg	~
ویټامین E	0.12 mg	1%
ویټامین K	NaN µg	1%
ویټامین B1 (تیامین)	0.04 mg	4%
ویټامین B2 (رایبوفلاوین)	0.18 mg	14%
ویټامین B3 (نیاسین)	5.66 mg	35%
ویټامین B5 (پانتوټنیک اسید)	0.66 mg	13%
ویټامین B6 (پیریډوکسین)	0.4 mg	31%
ویټامین B12	2.56 µg	107%
فولاټ	8 µg	2%
کولین	83.9 mg	15%

منرالونه

	اندازه	%ورځنۍ ارزښت
کلسیم	13 mg	1%
اوسپنه	2.71 mg	34%
مګنیزیم	22 mg	6%
فاسفورس	202 mg	29%
پوټاشیم	333 mg	7%
سوډیم	68 mg	5%
جست	6.37 mg	58%
مس	0.09 mg	10%
منګنیز	0.01 mg	1%
سلنیوم	21.5 µg	39%

د غوښې پروټین

غوښه، لکه د غوا یا غويي غوښه په عمده توګه له پروټین څخه جوړه شوی ده. عمومآ د حیواناتو پروټینونه لوړ کیفیت لري چې په هغه کې ضروري امینواسیدونه(essential amino acids)  شامل دي کوم چې زمونږ د بدن ودې او ساتنې لپاره اړتیا لري. امینو اسیدونه د پروټینونو بلاک جوړونکي چې روغتیا له مخې زیات مهم دي او د هغې ترکیب اندازه په پروټینونو کې د موادو سرچینې په اساس توپير لري. غوښه د پروټین یو تر ټولو بشپړغذايي سرچینو ګڼل کیږي، امینو اسید مشخصاتو تقریبآ وښایاست چې زمونږ د خپلو عضلاتو سره ورته دي. له دې امله د غوښو خوړل یا د نورو حیواني پروټینونو سرچينو ښايي د وروسته د جراحۍ او د لوبغاړو بېرته ګرځیدنې لپاره په خاصه توګه ګټور اوسي  یا د نورو حالتو په جریان کې چې عضلاتي انساج جوړیږي.

د غوښې شحم

د غوا یا غويي غوښه مختلفه اندازه شحم لري چې د غوښې ټالو(tallow)  په نوم هم یادیږي. د خوند(flavor)  په علاوه کولو سره شحم دغوښې پاملرنې وړ کالوري کچه زیاتوي. د شحم اندازه په غوښو کې د څارویو د عمر، نسل، جندر او د خوراکې پورې اړه لري. د غوښې پروسس شوي محصولاتو کې د شحمو اندازه لوړه ده لکه ساسیج(sausages) ، کالباس(salami) . سره غوښه د لږ شحم اندازې سره زیاتره وخت د لين(lean)  په نوم یادیږي او په عمومي توګه له 5 – 10٪ شحم لري. سره غوښه په عمومي توګه له مشبوع(saturated)  او مونو غیرمشبوع(monounsaturated)  شحمو څخه ترکیب شوی او نږدې په برابره اندازه شتون لري. عمده شحمي اسیدونه يې سټېریک اسید(stearic acid) ، اولیک اسید(oleic acid) ، او پالمیټیک اسید(palmitic acid)  دي.