GAP

GAP

جي ای پيGAP

غوره کرهنیزې کړنېGood Agricultural Practices

جي ای پي(GAP)  څه شی دی؟

جي ای پي(GAP)  لارې دي چې کروندګر کولای شي چې په کرونده کې د میوو او د سابو د ککړتیا مخنیوی وکړي. جي ای پي د غذايي توکو د خوندیتوب په اړه د فکر یوه نوې لاره ده. جي ای پي د ککړتیا د مخنیوي په اړه ټول ممکنه تدابیر لري چې د تازه محصول د تولید او د وېش سیستمونو له لارې لېږدول کیږي. جي ای پي د تولید او کروندې په کچه لارې دي چې د انسان مصرف لپاره د تازه محصول د خوندیتوب ډاډ ورکوي. د جي ای پي تولید او د حاصل لارښوونې په تازه محصولاتو کې د ناروغیوو ککړتیا خطر د کمولو لپاره طرحه شوي دي.

ولې جي ای پي(GAP)  ته اړتیا ده؟

تولیدات د یو ګڼ شمېر میکروبونو (بکتریاوو، ویروسونو، پرازیټونو یا فنګسونو) له خوا د تولید، پروسس، بسته بندي یا بازار موندنې په هره مرحله کې کېدای شي چې ککړ شي. د ککړتیا د خطر کمولو  تر ټولو اغیزمنه ستراتیژي د مخنیوی له لارې ده. جي ای پي د میوو او سابو کروندګړو ته ساده ګامونه برابروي چې د پلي کولو سره یې کولای شي په کرونده کې په پراخه کچه ککړتیا را ټیټه کړي.

د جي ای پي(GAP)  موخې

د دغو جي اي پي کوډونو، سټنډرډونو او مقرراتو موخې عبارت دي له:

·         د غذايي توکو په زنځیر کې د محصولاتو خوندیتوب او کیفیت ډاډمنول

·         د عرضې زنځیرحکومتدارۍ تغیرولو په واسطه د نوي مارکیټ ګټې تر لاسه کول

·         د طبعیي منابعو استعمال، د کارکوونکو روغتیا او د کار شرایطو ته وده ورکول

·         مخ پر ودې هیوادونو کې بزګرانو او صادر کوونکو ته د نوي مارکیټ فرصتونه رامنځ ته کول

د جي ای پي(GAP)  اصول

د جي ای پي لپاره عمومي اصول په لومړۍ ځل په کرنه کې د خوراک او کرنې کمیټې له خوا په کال 2003 کې وړاندې شوه. د جي ای پي اصول چې چاپيریال، اقتصاد او ټولنې ته وده ورکوي:

1.       خاوره

2.       اوبه

3.       د محصول او د واښو تولید

4.       د محصول ساتنه

5.       د حیواناتو تولید

6.       د حیواناتو روغتیا او رفاه

7.       حاصل او د کروندې پروسس او زېرمه

8.       انرژي او د فاضلو مدیریت

9.       د بشر رفاه، روغتیا او خوندیتوب

10.   د وحش ژوند او منظره

له جي ای پي(GAP)  څخه څوک سودمند کیږي؟

·         بزګران او د هغوې کورنۍ چې روغتیايي او ښه کیفیت غذايي مواد تر لاسه کوي

·         مصرف کوونکي چې د غوره او خوندي او ښه کیفیت لرونکي غذايي موادو څخه خوند اخلي

·         په عموم کې ټول خلک چې د یو غوره چاپیریال څخه سودمند کیږي